*علی ع کی خلافت بلافصل بزبان رسول*۔

شیعہ کی دلیل #15: علی تو مجھ سے ہے اور میں علی سے ہوں، وہ (علی)  میرے بعد  تمام مومنوں کیلئے (میرا)  جانشین  ہے۔(جامع ترمذی)

 

علی ع کے بارے میں برا بھلا بولنے والوں کو نبی ﷺنے شٹ اپ کال دیتے ہوئے کہا کہ *تم علی سے کیا چاہتے ہو*، 3 بار ایسا کہا اور پھر کہا *علی تو مجھ سے ہے اور میں علی سے ہوں* مزید کہا کہ وہ (علی) *میرے بعد* تمام مومنوں کیلئے (میرا) *جانشین* ہے  ۔

⬅️ اسکو خلیفہ کیوں مانیں جو کہے میں رسول اللہ کا خلیفہ ہوں۔

⬅️ اسکو کیوں نا مانیں جس کیلئے خود رسول اللہ کہیں یہ *میرا خلیفہ ہے*

اور سب کچھ *ابن سباء نامی کردار کے وجود سے بھی پہلے کا ہے*

الحمدللہ ہمارے عقائد کی بنیاد تو آپکے گھر سے *رسول اللہ ﷺ  کی زبانی* ثابت ہورہی ہے۔ وہ بھی *صحیح اسناد* سے اور آپ ہم پر مکر و فریب کا جال بن کر بہتان لگا رہے ہیں کہ ہم نے یہ عقائد ایک ملعون اور مشرک مرتد سے لیئے ہیں۔

*لعنت اللہ علی اللکاذبین*

الجواب:

دلیل #15:  (شیعہ  استدلال باطل) علی تو مجھ سے ہے اور میں علی سے ہوں، وہ (علی)  میرے بعد  تمام مومنوں کیلئے (میرا)  جانشین  ہے۔(جامع ترمذی)

اس حدیث میں بھی لفظ ولی لسان نبیﷺ  سے ادا ہوا ہے۔ کیا دین کے احکام مبہم الفاظ میں دیے جاسکتے ہیں؟ پھر تو جس کا جو دل چاہے وہ معنی و مفہوم نکال کر دین کو بدل سکتا ہے! بالفرض ہم مان لیں کہ عقیدہ امامت یا حضرت علی کی خلافت بلافصل کے لئے ہی نبی کریم ﷺنے مختلف مواقع پر *ولی* کا لفظ استعمال کیا ہے تو پھر بقول اہل تشیع آخری حج کے موقعے پر حضرت جبرائیل بار بار کیوں وحی لاتے رہے کہ حضرت علی کی خلافت کا حکم لوگوں تک پہنچادیں ورنہ آپ نے نبوت کا حق ہی ادا نہیں کیا۔؟ یا واقعہ قرطاس میں نبی کو حضرت علی کے لئے ہی وصیت لکھنے کی ضرورت کیوں محصور ہوئی اگر غدیر کا خطبہ بھی دے چکے تھے اور بقول آپ کے لفظ ولی سے بار بار خلیفہ ہی ان کی مراد تھی؟

⬅️ اہل تشیع کے عقائد نہ صرف دلیل نقلی اور بلکہ دلیل عقیل سے بھی قابل قبول نہیں ہوتے۔

    شیعہ سوال: اس کو کیوں مانیں جو کہے کہ میں رسول اللہﷺ کا خلیفہ ہوں؟

جواب: حضرت ابوبکر صدیق نے خود یہ دعویٰ کب کیا تھا کہ میری بیعت کرو میں نبی کا خلیفہ ہوں؟ یہ دعوی تو حضرت علی نے بھی نہیں کیا تھا حتیٰ کہ شہادت حضرت عثمان غنی کے بعد بھی خلیفہ بننے میں انہوں نے کوئی دلچسپی نہیں دکھائی تھی جبکہ بقول اہل تشیع وہ منصوص من اللہ خلیفہ بھی تھے، کیا منصب الہی کی اس طرح بے توقیری کرنا جائز ہے؟ کیا کسی ایک نبی نے یہ کہا کہ مجھے نبی بننے میں کوئی دلچسپی نہیں؟ معاذاللہ

  شیعہ سوال: اسکو خلیفہ کیوں نہ مانیں جس کے لئے خود رسول اللہﷺ کہیں کہ یہ میرا خلیفہ ہے؟

جواب: بیشک حضرت علی بھی برحق خلیفہ تھے، سُنی و شیعہ کے مابین تنازعہ خلیفہ بلافصل پر ہے۔ 

اہل سنت کے نزدیک حضرت علی  خلیفہ بلافصل نہیں تھے۔  آپ نے جو دلائل پیش کئے ہیں ان تمام کا عقلی و نقلی رد کردیا گیا ہے۔اگر کوئی رہ گیا ہے تو نشاندھی کردیں۔ بھرپور جواب دیا جائے گا۔ ان شاء اللہ

  ابھی تک آپ نے ہمارے گھر سے دلائل یعنی الزامی جواب دیکر شیعہ عقائد ثابت کرنے کی بھونڈی کوششیں کی ہیں۔  خیر کوشیں تو  بہت  کر لیں ،  لیکن ایک بھی مضبوط دلیل پیش نہیں کر سکے۔

اب تک پیش کی گئیں روایات اکثر تو ضعیف ہیں اور جو صحیح ہیں تو متن سے ایسا استدلال نکالا ہے جو حقیقت سے کوسوں دور ہے۔ ہماری روایات ہم جس طرح سمجھتے ہیں وہی ہم پر حجت ہے۔آپ کو ان صحیح روایات سے علمائے اہل سنت کا وہی مؤقف بھی ثابت کرنا پڑے گا۔ اپنی پسند ناپسند سے روایات کے الفاظ سے جو مرضی معنی و مفہوم نکالیں گے تو وہ ہم پر حجت نہیں ہوگا۔

⬅️ ہم نے دلائل میں طئے کیا تھا کہ دلائل صحیح روایات بمعہ تائید علمائے کرام پیش کئے جائیں گے، ذاتی تاویلات قبول نہیں کی جائیں گی۔

بہتر ہے کہ آپ میرے دلائل پر دوبارہ توجہ فرمائیں۔ میں نے اہل تشیع صحیح روایات سے اپنا ذاتی استدلال ہرگز ہرگز پیش نہیں کیا، ان روایات سے شیعہ متقدمین علماء نے بھی یہی مؤقف بیان کیا ہے۔

⬅️ آپ کو بھی طئے شدہ شرائط کے مطابق پہلے تحقیقی اور پھر الزامی جواب دینے ہیں۔ آپ کی اپنی تاویلات اہل تشیع پر حجت نہیں ہوسکتیں تو ہم پر حجت کیسے ہوجائیں گی، امیدہے کہ  میرا نکتہ سمجھ شریف میں آگیا ہوگا!