*اہلِ بیتؓ کے پسندیدہ نام*

*اولاد پر کسی بزرگ ہستی کا نام رکھنا اس سے محبت کی علامت ہے*

*امام زین العابدین ؒ نے فرمایا:*

*میرے والد حسینؓ اپنے والد علیؓ*

*سے بہت محبت کرتے تھے۔ اس لئے انہوں نے مکرر اپنے بیٹوں کے نام ان کے نام پر رکھے۔"*

*(کتاب اہل تشیع، بحارالانوار، ج45، ص329۔)*

*یعنی سیدنا حسین رضی اللہ عنہ نے اپنے بہت سے بیٹوں کے نام علیؓ رکھے یہ اس بات کی دلیل ہے وہ سیدنا علی رضی اللہ عنہ سے محبت کرتے تھے، اسی طرح سیدنا علی رضی اللہ عنہ اور ان کی اولاد نے اپنے بیٹوں کے نام مسلسل ابوبکرؓ عمرؓ و عثمانؓ رکھے یہ بھی اس بات کی واضح دلیل ہے کہ وہ خلفاء ثلاثہ سیدنا ابوبکر صدیق، عمر فاروق، عثمان غنی رضی اللہ عنہم اجمعین سے انتہائی محبت رکھتے تھے۔*

*سیدنا علی رضی اللہ عنہ کے تین بیٹوں کے نام ابوبکر عمر اور عثمان تھے۔ ان میں سے ابوبکر و عثمان کربلا میں شہید ہوئے۔*

*(کتابِ اہل تشیع، الارشاد، شیخ مفید، ج1 ص:354۔)*

*سیدنا حسن رضی اللہ عنہ کے ایک بیٹے کا نام ابوبکر تھا جو کربلا میں شہید ہوئے۔*

*اور سیدنا علی رضی اللہ عنہ کے دو بیٹے ابوبکر و عثمان کربلا میں شہید ہوئے۔*

*(کتابِ اہل تشیع، الارشاد، شیخ مفید، ج2 ص:125۔)*

*امام زین العابدینؒ  کی کنیت ابوبکر تھی۔*

*(کتاب اہلِ تشیع، کشف الغمہ، اردبیلی، ج3، ص:6۔)*

*امام زین العابدین ؒ کے ایک بیٹے کا نام عمر تھا۔*

*(کتاب اہلِ تشیع، کشف الغمہ،* *اردبیلی، ج3، ص:23۔)*

*امام موسی کاظم ؒ کے بیٹوں کے نام ابوبکر و عمر تھے۔*

*(کتاب اہلِ تشیع، کشف الغمہ، اردبیلی، ج3، ص:264۔)*

*امام علی رضا ؒ اور امام مہدی کی کنیت   ابوبکر ہے۔*

*(کتاب اہلِ تشیع، النجم الثاقب،نوری طبرسی، ج1، ص:172۔)*

*اگر کوئی کہتا ہے کہ اولاد پر نام رکھنے کا تعلق محبت اور نفرت سے نہیں تو اس کی خدمت میں عرض ہے کہ آپ اپنی اولاد کے نام فرعون، نمرود، ابوجہل ، یزید اور شمر رکھ کر اس بات کا عملی ثبوت دیں کہ واقعی نام کا محبت اور نفرت سے تعلق نہیں۔*