✳️در شان عمر فاروق رضی اللہ عنہ✳️

 

سَیدُ الانبیاءﷺ کی دعا ہے عمرؓ

ہر مسلمان کا مُقتدیٰ ہے عمرؓ

 

زیرِ  سایہءِ  دیوارِ  کعبہ نبیﷺ

تھےجو محوِ دعا وہ عطا ہے عمرؓ

 

اُمِ کلثوم کے واسطے بہتریں

حضرتِ مرتضٰی ؓ کو لگا ہے عمرؓ

 

وقت کے بُوجہل مثلِ شیطاں جلے

میں نے جب بھی کہیں پر لکھا ہے عمرؓ

 

دیکھ لو حاسدو! اہلِ ایماں کے ہاں

آج بھی ہر طرف ہر جگہ ہے عمرؓ

 

کیوں نہ قسمت پہ نازاں و شاداں رہوں

ذہن و دل میں میرے بس گیا ہے عمرؓ

 

فضلِ رحمان ہے میرے اشعار کی

ابتدأ ہے عمرؓ  انتہاء ہے عمرؓ

 

اے خطیبو! جہاں کو بتاتے رہو

باعمل،  با ادب،  با وفا ہے عمرؓ

 

 ہدہد الہ آبادی

---