جواب: جی ہاں ضرور ان میں سے ایک سورۃ الولایۃ ہے ان لوگوں کا خیال ہے کہ اس سورۃ میں سیدنا علیؓ کی ولایت کا ذکر تھا۔

ترجمہ: اے ایمان والو ایمان لاؤ نبی اور ولی پر جنہیں ہم نے مبعوث فرمایا ہے وہ دونوں تمہیں راہِ راست کی راہنمائی کرتے ہیں، نبی اور ولی ان میں سے ایک دوسرے سے ہے اور میں جاننے والا خبر رکھنے والا ہوں، بے شک وہ لوگ جو اللہ کے وعدے سے وفا کرتے ہیں ان کے لیے نعمتوں والے باغات ہوں گے اور وہ لوگ کہ جب ان پر ہماری آیات کی تلاوت کی جاتی ہے اور وہ ہماری آیات کو جھٹلاتے ہیں بے شک ان کے لیے جہنم میں بہت بڑا مقام ہو گا، جب انہیں روزِ قیامت آواز دی جائے گی کہاں ہیں ظالم رسولوں کو جھٹلانے والے نہیں رسولوں کا جانشین مگر برحق ہی اور اللہ تعالیٰ انہیں بہت جلد ظاہر کرنے والا بھی نہیں ہے لہٰذا آپ اپنے رب کی حمد کے ساتھ تسبیح بیان کریں اور سیدنا علیؓ یہ گواہوں میں سے ہے۔

(فصل الخطاب: صفحہ، 107 للنوری)

ترجمہ: بسم اللہ الرحمن الرحیم اے ایمان والے لوگو ان دو نوروں پر ایمان لاؤ جنہیں ہم نے نازل کیا ہے اور وہ دونوں تمہیں میری آیات پڑھ کر سناتے ہیں اور وہ دونوں تمہیں قیامت والے دن کے عذاب سے ڈراتے ہیں۔ یہ دو نور ہیں، جو آپس میں ایک دوسرے سے ہیں اور بیشک میں سننے والا اور جاننے والا ہوں۔ بیشک جو لوگ اللہ اور اس کے رسول کی آیات میں ان کے ساتھ وعدوں سے وفا کرتے ہیں ان کے لیے جنت کی نعمتیں ہیں۔ اور وہ لوگ جنہوں نے ایمان لانے کے بعد اپنا عہد و پیمان توڑ کر کفر کیا اور رسول اللہﷺ کے ساتھ کیے گئے وعدہ کو توڑ ڈالا انہیں جہنم کی آگ میں ڈالا جائے گا۔ انہوں نے اپنی جانوں پر ظلم کیا اور وصی اور رسول کی نافرمانی کی انہیں جہنم کی پیپ پلائی جائے گی۔ بے شک اللہ تعالیٰ آسمانوں اور زمینوں کا نور ہے۔ اس نے جیسے چاہا ملائکہ میں سے چن لیا۔ اور ان اہلِ ایمان میں سے بعض کو اپنی مخلوق میں سے کر لیا۔ اللہ تعالیٰ جو چاہتا ہے وہ کرتا ہے وہ اکیلا معبود برحق ہے اور وہ بڑا مہربان اور رحم کرنے والا ہے۔ اس سے پہلے بھی لوگوں نے اپنے رسولوں کے ساتھ دھوکہ کیا تھا، ہم نے انہیں ان کی چالوں سے پکڑ لیا۔ بیشک میری پکڑ بہت سخت ہے بیشک اللہ تعالیٰ نے عاد اور ثمود کو ان کے اعمال کی وجہ سے تباہ کیا اور انہیں تمہارے لیے عبرت بنا دیا۔ کیا تم پھر اس سے نہیں ڈرتے اور فرعون کو اور اس کے سب ماننے والوں کو ہم نے موسیٰ اور اس کے بھائی ہارون پر سرکشی کی وجہ سے غرق کر دیا۔ تاکہ وہ تمہارے لیے ایک نشانی بن جائے تم میں سے اکثر لوگ فاسق ہیں بیشک اللہ تعالیٰ ان سب کو حشر کے دن جمع کرے گا جب ان سب سے سوال کیا جائے گا تو وہ اس کا جواب نہیں دے سکیں گے بے شک جہنم ان کا ٹھکانہ ہے اور بے شک اللہ تعالیٰ علم اور حکمت والا ہے اے رسول میرے ڈراوے کی تبلیغ کرو اور یہ لوگ عنقریب جان لیں گے اور یقیناً وہ لوگ خسارہ میں پڑ گئے جو میری آیات اور میرے حکم سے اعراض کرنے والے تھے ان لوگوں کی مثال جو آپ سے کیے گئے وعدہ کو پورا کرتے ہیں بیشک میں انہیں نعمتوں والی جنت بدلے میں دوں گا بیشک اللہ تعالیٰ بہت بڑی مغفرت اور اجر والا ہے اور بیشک سیدنا علیؓ متقین میں سے ہیں اور بیشک قیامت کے دن اس سے اس کا پورا حق ادا کریں گے اور ہم آپ کے ظلم سے غافل نہیں ہیں اور ہم نے اسے آپ کے تمام اہلِ خانہ پر عزت بخشی ہے بیشک آپ اور آپ کی اولاد سفر کرنے والے ہیں اور بیشک آپ کا دشمن مجرمین کا امام ہے آپ ان لوگوں سے کہہ دیجئے جو ایمان لانے کے بعد کافر ہوئے تم نے دنیاوی زندگی کی زینت طلب کی اور اس کو حاصل کرنے میں جلدی کی اور اپنے ساتھ کیے گئے اللہ اور اس کے رسول کے وعدہ کو بھول گئے اور پختہ عہد کرنے کے بعد انہیں توڑ ڈالا ہم آپ کے لیے مثالیں بیان کرتے ہیں تاکہ تم لوگ ہدایت پا جاؤ۔ اے پیغمبر ہم نے آپ کی طرف آیاتِ بینات نازل کی ہیں ان میں یہ بیان ہے کہ کون ایمان کی حالت میں مرے گا اور کون آپ کے بعد کھلم کھلا اس ولایت کا اظہار کرے گا۔ آپ ان سے منہ موڑ لیجئے بیشک وہ بھی منہ موڑنے والے ہیں بیشک ہم اس دن انہیں باندھ کر لانے والے ہیں جس دن انہیں کوئی بھی چیز کام نہیں آئے گی اور نہ ہی ان پر کوئی رحم کیا جائے گا بےشک ان لوگوں کا ٹھکانہ جہنم میں ہے جس سے انہیں نہیں ہٹایا جائے گا آپ اللہ تعالیٰ کی تسبیح بیان کریں اور سجدہ کرنے والوں میں سے ہو جائیں بیشک ہم نے موسیٰ اور ہارون کو جانشین بنا کر بھیجا تھا مگر لوگوں نے بغاوت کی تو صبر ہی بہت خوبصورت ہے۔ ہم نے ان میں سے بندر اور خنزیر بنا دیے اور قیامت تک کے لیے ان پر لعنت کی۔ آپ صبر کریں وہ عنقریب اپنا انجام دیکھ لیں گے بیشک ہم نے آپ کے ذریعے ایسے ہی حکم دیا جیسے آپ سے پہلے رسولوں کے ذریعے تھا اور ان میں سے آپ کا وصی بنایا ہے شاید کہ لوگ اس کی طرف رجوع کریں بیشک وہ میرے حکم سے منہ موڑے گا تو انہیں چاہیے کہ اپنے کفر کے سبب بہت تھوڑا فائدہ اٹھائیں اور آپ سے وعدہ توڑنے والوں کے بارے میں نہیں پوچھا جائے گا۔ اے رسول ہم نے ایمان والوں کی گردنوں پر آپ کے لیے ایک عہد لیا ہے آپ اسے لیجیے اور شکر گزاروں میں سے ہو جائیے بیشک سیدنا علیؓ رات کو کھڑے ہونے والے سجدہ کرنے والے تھے آپ آخرت سے ڈرتے اور اپنے رب کے ثواب کی امید رکھتے۔ آپ فرما دیں کیا وہ لوگ جنہوں نے ظلم کیا اور وہ میرے عذاب کو جانتے ہیں برابر ہو سکتے ہیں؟ اللہ تعالیٰ زنجیروں کو ان کی گردنوں میں کر دے گا اور وہ اپنے اعمال پر نادم ہوں گے ہم آپ کو اس کی نیک اولاد کی بشارت دیتے ہیں اور بے شک وہ ہمارے حکم کی مخالفت نہیں کریں گے۔ ان پر میری طرف سے رحمتیں اور برکتیں ہوں زندگی میں اور مرنے کے بعد اور جس دن انہیں اٹھایا جائے گا اور ان لوگوں پر جو آپ کے بعد ان پر سرکشی کریں گے میرا غضب ہو، بے شک وہ بہت برے اور گھاٹا پانے والے لوگ ہیں۔ اور وہ لوگ جو آپ کی راہ پر چلیں گے ان پر میری طرف سے رحمتیں ہوں۔ اور وہ کمروں میں آرام سے ہوں گے۔ تمام تعریفیں اللہ رب العالمین کے لیے ہیں۔ 

پھر اس کے بعد شیخ نوری طبری نے اس پر یہ نوٹ لگایا ہے: بے شک شیخ محمد بن علی بن شہر آشوب مار زندانی نے کتاب المثالب میں ذکر کیا ہے کہ حکایت نقل کی گئی ہے کہ انہوں (صحابہ کرام رضوان اللہ علیہم اجمعین) نے قرآن سے پوری سورت ولایت ہی حذف کر دی تھی۔ اور شاید یہی وہ سورت ہو۔

(فصل الخطاب: صفحہ، 108)

(لا اله الا اللہ یہ کس قدر شدید اضطراب سے بھر پور ہے اس میں کس درجہ جہالت موجود ہے؟ اور اس میں کس درجہ عجمیت جھلک رہی ہے؟)

یہ کلمات جنہیں قرآنِ حکیم سے جمع کر کے ایک اور انتہائی ردی قسم کی ترتیب دی گئی اس کا موضوع وہی بات ہے جس نے شیعہ مشائخ کی کمر توڑ کر رکھ دی ہے۔ اور وہ بات ہے۔ کتاب اللہ کا ان لوگوں کی گمراہیوں سے خالی ہونا۔ 

یہی وجہ ہے کہ اس خود ساختہ سورت میں سیدنا علیؓ کے امام ہونے کی وصیت کا تذکرہ کیا گیا ہے اور بعض صحابہ کرام رضوان اللہ علیہم اجمعین کی اس وصی کی نافرمانی کی وجہ سے تکفیر کی گئی ہے۔

اللہ تعالیٰ نے سچ فرمایا ہے کہ:

(سورۃ الاسراء: آیت، 88) 

ترجمہ: فرما دیجیئے اگر سب انسان اور جنات جمع ہو جائیں کہ اس قرآن جیسا بنا لائیں تو اس جیسا نہیں لائیں گے، اگرچہ ان کا بعض بعض کا مددگار ہو۔

دوسری مثال: شیعی شیخ کلینی روایت کرتا ہے کہ جابر جعفی نے بیان کیا جبرائیل یہ آیت اس طرح لے کر محمدﷺ پر نازل ہوئے تھے:

(سورۃ البقرہ: آیت، 23)

ترجمہ: ہم نے جو کچھ اپنے بندے پر اتارا ہے اس میں اگر تمہیں شک ہو یعنی علی کی بابت اور تم سچے ہو تو اس جیسی ایک سورت بنا لاؤ تمہیں اختیار ہے کہ اللہ تعالیٰ کے سوا اور اپنے مددگاروں کو بھی بلا لو۔

مزید سیدنا ابو جعفرؒ سے روایت کرتا ہے کہ یہ آیت اس طرح نازل ہوئی تھی:

(سورۃ النساء: آیت، 66)

(الكافی: جلد، 1 صفحہ، 424) 

ترجمہ: اگر یہ وہی کریں جس کی انہیں نصیحت کی جاتی ہے۔ یعنی علی کے معاملے میں تو یقیناً یہی ان کیلئے بہتر ہو۔ نیز ابو عبد اللہؒ سے اللہ تعالیٰ کا یہ ارشاد اس طرح نقل کرتا ہے:

(سورۃ الاحزاب: آیت، 71)

(الكافی: جلد، 1 صفحہ، 414)

ترجمہ: اور جو بھی اللہ اور اس کے رسول کی تابعداری کرے یعنی علی کی ولایت میں اور اس کے بعد ائمہ کی ولایت میں اس نے بڑی مراد پا لی۔

اسی طرح کلینی نے اپنی سند سے عبد اللہ بن سنان کے واسطے سے ابو عبد اللہ سے اللہ تعالیٰ کا یہ ارشاد نقل کیا ہے:

(سورۃ طہٰ: آیت، 115)

ترجمہ: ہم نے آدم کو پہلے ہی تاکیدی حکم دے دیا تھا۔ یعنی کلمات دیئے تھے محمدﷺ، علیؓ، فاطمہؓ، حسنؓ و حسینؓ اور ان کی اولاد میں سے ائمہ کے بارے میں لیکن وہ بھول گیا۔ 

اللہ کی قسم محمدﷺ پر اس طرح نازل ہوا تھا۔

سیدنا ابو عبد اللہؒ کہتے ہیں: اللہ کی قسم محمدﷺ پر یہ آیت اسی طرح نازل ہوئی تھی۔ اسی طرح ابو عبد اللہؒ سے اللہ تعالیٰ کا ارشاد نقل ہے۔

(سورۃ الملك: آیت، 29) 

ترجمہ: آپ کہہ دیجیئے کہ وہی رحمٰن ہے ہم تو اس پر ایمان لا چکے اور اس پر ہمارا بھروسہ ہے، تمہیں عنقریب معلوم ہو جائے گا کہ صریح گمراہی میں کون ہے پھر یہ الفاظ بھی تھے اے مکذبین کی جماعت جیسے کہ میں نے تمہیں اپنے پرور دگار کا پیغام بتا دیا ہے، سیدنا علیؓ کی ولایت کے بارے میں اور اس کے بعد ائمہ کے بارے میں، کون ہے جو صریح گمراہی میں ہے 

یہ آیت اسی طرح نازل ہوئی تھی۔

احمد بن محمد بن ابونصر سے مروی ہے اس نے کہا ابو الحسن نے مجھے ایک مصحف عنایت فرمایا اور یہ کہا اس میں مت دیکھنا، میں نے اسے کھول کر پڑھا تو لکھا تھا:

(سورۃ البينة: آیت، 1)

ترجمہ: اہلِ کتاب کے کافر اور مشرک لوگ جب تک ان کے پاس ظاہر دلیل نہ آ جائے باز رہنے والے نہ تھے۔

تو میں نے اس میں قریش کے ستر آدمیوں کے نام، ان کے باپوں کے نام سمیت پائے، آپ نے فرمایا اس مصحف کو مجھے واپس بھیج دو۔

اور اس طرح انہوں نے ایک اور مَن گھڑت کہانی تیاری کرلی کہ ابو الحسن فرماتے ہیں سیدنا علیؓ کی ولایت تمام انبیاء علیہم السلام کے صحیفوں میں مندرج تھی اور اللہ تعالیٰ نے کسی رسول کو بھی نہیں بھیجا مگر محمدﷺ کی نبوت کے ساتھ اور سیدنا علیؓ کے وصی ہونے کی خبر دینے کے لیے بھیجا۔

(سورۃ القیامہ: آیت، 17،18)

ترجمہ: بےشک علیؓ پر ہے اس کا جمع کرنا اور اس کا پڑھنا، وہ جب اسے پڑھ لے تو تم اس کے پڑھنے کے در پے رہو۔ 

اور شیعہ آیت اللہ نوری الطبرسی نے سیدنا عبداللہ بن مسعودؓ پر ایک اور جھوٹ گھڑ لیا وہ کہتا ہے کہ سیدنا عبداللہ بن مسعودؓ سے روایت کیا گیا ہے آپ سورت فاتحہ اور معوذ تین کے قرآن ہونے کا انکار کرتے تھے۔ 

(فصل الخطاب: صفحہ، 31 المقدمة الثالثة)

ان کا شیخ الکاشانی کہتا ہے کہ: اہلِ بیت رضوان اللہ علیہم اجمعین سے مستفاد ان تمام روایات اور دیگر روایات سے ثابت ہوتا ہے کہ جو قرآن اب ہمارے درمیان موجود ہے یہ وہ مکمل قرآن نہیں ہے جو عہد میں ہم پر نازل کیا گیا تھا، بلکہ اس میں وہ آیتیں بھی ہیں جو ان آیتوں کے برخلاف ہیں جو اللہ تعالیٰ نے نازل فرمائی تھیں اور اس میں وہ چیزیں بھی ہیں جو تحریف شدہ اور متغیر ہیں اور بلاشبہ اس میں سے بہت سی چیزیں حذف بھی کردی گئی ہیں مثلاً علیؓ کا نام بہت ساری جگہوں سے نکال دیا گیا ہے۔ (متعدد جگہوں سے آلِ محمد کا ذکر حذف ہے اور کئی مقامات سے منافقین کے نام مٹادے گئے ہیں جو اپنے اپنے مقامات پر درج تھے)

(بریکٹ کے درمیان والے کلمات تفسیر الصافی کے مصور نسخہ: صفحہ نمبر، 24 میں ہیں)

اسی طرح اور بھی کئی چیزیں ہیں اور بلاشبہ یہ قرآن اس ترتیب کے مطابق بھی نہیں ہے جو ترتیب اللہ تعالیٰ اور اس کے رسول کی پسندیدہ تھی۔

خمینی نے کہا ہے کہ ہمارے قرآن میں سورت منافقون ہے ہمارے ہاں سورت کافرون نہیں ہے۔

جب اس سے سوال کیا گیا کہ کیا وجہ ہے کہ سیدنا علیؓ کا ذکر یا آپ کی امامت کی کوئی نص قرآن میں موجود نہیں ہے؟

تو اس نے یوں جواب دیا: نبی کریمﷺ قرآن میں امامت کا ذکر کرنے سے اس خوف کی بناء پر خاموش رہے کہ کہیں آپ کے بعد قرآن میں تحریف نہ کر دی جائے۔

(كشف الاسرار: صفحہ، 149 امامت کے بارے میں دوسری حدیث)

سابقہ نصوص میں شیعہ علماء کی طرف سے اس امر کی واضح شہادت موجود ہے کہ ان کے ائمہ کے متعلق اور نہ ہی سیدنا علیؓ کے وصی ہونے کے متعلق کتابِ الٰہی میں کوئی ذکر موجود ہے یہ بات ان کی عمارتوں کو بنیادوں ہی سے اکھیڑ دینے کا باعث تھی اس لیے شیعہ علماء کے سامنے اس کے علاوہ کوئی اور راستہ نہ تھا وہ قرآن میں تحریف ہونے کا عقیدہ گھڑ لیں اور کہیں کہ اس میں کمی بیشی ہوئی ہے اور اپنی عوام میں اس عقیدے کو لازمی قرار دے دیں۔

اسی لیے تو ان کے امام المجلسی نے یہ شہادت دے دی ہے جیسا کہ پیچھے گزر چکا ہے، ان کے نزدیک تحریف قرآن کی روایات و اخبار، امامت کی روایات و اخبار سے کم نہیں ہیں، لہٰذا جب تحریفِ قرآن کی بات ہی پایہ ثبوت کو نہیں پہنچتی تو امامت کی بات بھی ثابت نہ ہو سکی اور نہ ہی دیگر شیعہ کے عقائد ہی ثابت ہو سکے مجلسی نے بالکل بجا کہا ہے کہ تحریف بالکل واقع نہیں ہوئی اور امامت کا مسئلہ بھی ثابت نہی ہوا اسی طرح (امام کے واپس لوٹ کر آنے والا) یعنی رجعت کا عقیدہ بھی ثابت نہ ہوا، اس جیسے وہ دیگر باطل عقائد بھی غیر ثابت ہیں جو کہ شیعہ علماء نے اپنی طرف سے گھڑ لیے ہیں۔ اللہ تعالیٰ نے بہت پہلے اس قرآن کے بارے میں فرما دیا تھا: 

(سورۃ یونس: آیت، 37-38)

ترجمہ: اور یہ قرآن ہرگز ایسا نہیں کہ اللہ کے غیر سے گھڑ لیا جائے اور لیکن اس کی تصدیق ہے جو اس سے پہلے ہے اور رب العالمین کی طرف سے کتاب کی تفصیل ہے، جس میں کوئی شک نہیں۔ یا وہ کہتے ہیں کہ اس نے اسے گھڑ لیا ہے کہہ دے تو تم اس جیسی ایک سورت لے آؤ اور اللہ کے سواء جسے بلا سکو بلا لو، اگر تم سچے ہو۔