دین کے کاموں میں مشکلات کا دریا عبور کرنا سنت انبیاءؑ ہے:

ایک لاکھ چوبیس ہزار انبیاءؑ نے جان جوکھوں میں ڈال کر توحید کی دعوت کے فروغ میں کوئی کسر نہیں چھوڑی صحابہ کرام رضوان اللہ علیہم اجمعین کی زندگی بھی مصائب و عواقب سے عبارت ہے اللہ کی سب سے برگزیدہ ہستی حضرت محمد رسول اللہﷺ کے راستے میں کانٹے بچھائے گئے ہیں ان کے چہرے پر کوڑا ڈالا گیا ان پر آوازے کسے گئے ان کو طعنہ زنی کا نشانہ بنایا گیا جب اللہ کے سب سے بڑے محبوبﷺ کو دین کی راہ میں مشکلات کا سامنا کرنا پڑا تو لازمی امر ہے کہ جو شخص خالصتاً رضائے الہٰی کے لئے دین کے کسی شعبے میں کام کرے گا کسی موقعہ پر دین کے لئے ڈٹ جائے گا جسے دین سمجھے گا اسی پر سب کچھ قربان کر دینے کو تیار ہوگا اسے بھی دکھوں اور تکلیفوں کا سامنا کرنا پڑے گا ایک عظیم انسان اور سپاہِ صحابہؓ کے کارکن کے لئے تمغہ امتیاز اس کا اپنے مشن پر کار بند رہنا ہوگا اسے اپنوں کے ہر طعنے سن کر بھی اپنے نصب العین کی آواز بلند کرنی ہوگی۔