مالک جن و انساں بھلا کون ہے

میرے خالق وہ تیرے سوا کون ہے

 

ساری دنیا کا حاجت روا کون ہے

یا خدا تو ہے تجھ سے بڑا کون ہے

 

یہ کلی پھول یا رب یہ برگ و ثمر

اک سوا تیرے سب کا خدا کون ہے

 

تیرگی سے بچاتا ہے تو ہی ہمیں

تیرے جیسا بھلا رہنما کون ہے

 

تو ہی خالق ہے مالک ہے رحمن بھی

تجھ سا رحمان رب العُلا کون ہے

 

مالک الملک ہے سب کا داتا ہے تو

تیرے جیسا بھلا دوسرا کون ہے

 

توبہ کرتا ہے یارب یوں ہردم فراز

اسکے جیسا یہاں پُر خطا کون ہے

---