حضرت عمر رضی اللہ عنہ کے دور خلافت میں لوگ بیس رکعتیں رمضان میں پڑھتے تھے۔۔۔ وسندہ صحیح (مولانا غلام مصطفیٰ ظہیر امن پوری)
محسن اقبالتمام مسلمانوں کو السلام علیکم
لو جی! یہ ہیں مولانا غلام مصطفیٰ ظہیر امن پوری صاحب۔
اپنے مختصر رسالہ رکعات تراویح میں کہتے ہیں کہ سیدنا سائب بن یزید رضی اللہ عنہ بیان کرتے ہیں کہ امیر المؤمنین حضرت عمر فاروق رضی اللہ عنہ کے دورِ خلافت میں لوگ بیس رکعتیں رمضان میں پڑھتے تھے۔ و سندہ صحیح
تو امن پوری صاحب نے تسلیم کیا کہ اس روایت کی سند صحیح ہے۔
آگے لکھتے ہیں کہ یہ بیس رکعت پڑھنے والے لوگ صحابہ کرام رضوان اللہ علیہم اجمعین نہیں بلکہ کوئی اور لوگ تھے یعنی غیر معروف تھے۔
اسی روایت کے نیچے لکھتے ہیں کہ حضرت سائب بن یزید رضی اللہ عنہ فرماتے ہیں کہ ہم (یعنی صحابہ کرام رضی اللہ عنہم) سیدنا عمر فاروق رضی اللہ عنہ کے دور میں گیارہ رکعت تراویح بمع وتر پڑھتے تھے۔
صحابہ کرام رضوان اللہ علیہم اجمعین کے خلاف دوسرے لوگوں کا قول حجت نہیں اور وہ لوگ غیر معروف تھے۔
عجیب بات ہے کہ امن پوری کے نزدیک جب سیدنا سائب بن یزیدؓ بیس رکعت کا ذکر کرتے ہیں تو پڑھنے والے صحابہ کرام رضوان اللہ علیہم اجمعین نہیں بلکہ غیر معروف لوگ بن جاتے ہیں اور جب یہی حضرت سائب بن یزیدؓ گیارہ رکعت کا ذکر کرتے ہیں تو پڑھنے والے صحابہ کرام رضوان اللہ علیہم اجمعین بن جاتے ہیں۔
تو امن پوری کے کہنے کا مطلب یہ ہے کہ امیر المؤمنین سیدنا عمر فاروقؓ نے اپنے دور میں صحابہ کرام رضوان اللہ علیہم اجمعین کو گیارہ رکعت تراویح پر جمع کیا اور غیر معروف لوگوں کو بیس رکعت تراویح پر جمع کیا۔
اب سوال تو یہ بنتا ہے کہ جب بیس رکعت تراویح پر حضرت عمر فاروقؓ نے لوگوں کو جمع کیا تو وہ بیس رکعت پڑھنے والے لوگ صحابہ کرام رضوان اللہ علیہم اجمعین نہیں تو اور کون لوگ تھے؟
بقول امن پوری کہ ان غیر معروف لوگوں نے اعتراض نہیں کیا کہ صحابہ کرام رضوان اللہ علیہم اجمعین کو تو گیارہ پر جمع کر دیا اور ہمیں بیس پر جمع کر دیا؟
پھر اس جہالت کا مطلب یہ بھی نکلتا ہے کہ جب گیارہ رکعت تراویح صحابہ کرام رضی اللہ عنہم کو الگ پڑھائی جاتی تھیں اور بیس رکعت دوسرے لوگوں کو الگ پڑھائی جاتی تھی۔
اب امن پوری کے اس تضاد کو کیا نام دیا جائے؟
بہرحال اتنا تو امن پوری نے مان لیا کہ بیس رکعت تراویح کی سیدنا سائب بن یزید رضی اللہ عنہ کی روایت صحیح سند سے ثابت ہے۔
غلامِ خاتم النبیینﷺ
محسن اقبال