سیدنا حسن رضی اللہ عنہ کے جسمانی اوصاف
علی محمد الصلابیسیدنا حسن بن علی رضی اللہ عنہما نہایت خوبرو، خوبصورت، سرخی مائل گورے رنگ کے تھے، آنکھیں کالی، رخسار نرم، داڑھی گھنی تھی، گردن جیسے چاندی کی صراحی، وسیع و عریض کندھے، درمیانہ قد، بہت ہی خوب صورت گھنگھریالے بال اور اچھے بدن والے تھے۔
(سیر أعلام النبلاء: جلد 3 صفحہ 49، أخبار الدول: صفحہ 105)
حسن رضی اللہ عنہ پر یہ خاص الہٰی عنایت و برکت تھی کہ سیدنا حسنؓ اپنے نانا صلی اللہ علیہ وسلم سے سب سے زیادہ مشابہ تھے۔
(الحسن بن علی: فتیخان کردی: صفحہ 2)