رسول اللہ صلی اللہ علیہ وسلم کے سب سے زیادہ قریب کون ۔
راجہ وقاص علی حیدریرسول اللہ صلی اللہ علیہ وسلم کے سب سے زیادہ قریب کون ۔
حضرت معاذ بن جبل علیہ السلام روایت کرتے ہیں کہ
رسول اللہ صلی اللہ علیہ وسلم نے انہیں وصیت فرماتے ہوئے باہر نکلے
فرمایا
"میرے اہل بیت سمجھتے ہیں کہ یہ میرے سب سے زیادہ قریبی لوگوں میں سے ہیں حالانکہ ایسا نہیں ہے
بلکہ تم سب میں سے زیادہ قریب ترین وہ لوگ ہیں جو تقوی اختیار کریں خواہ جو بھی ہو اور جہاں بھی ہو۔
طبرانی کبیر جلد 20صفحہ نمبر 120٫121۔
مسند احمد جلد دہم رقم حدیث نمبر 24402
مجمع الزوائد ۔۔۔سند جید۔
زیر بحث حدیث مبارکہ قرآن مجید اور رسول اللہ صلی اللہ علیہ وسلم کے منہج کی عکاسی کر رہی ہے۔اور عقل و نقل کے بھی عین مطابق ہے۔
اس حدیث کی تائید میں مندرجہ ذیل آیات دیکھیں ۔
⬅️یٰۤاَیُّہَا النَّاسُ اِنَّا خَلَقۡنٰکُمۡ مِّنۡ ذَکَرٍ وَّ اُنۡثٰی وَ جَعَلۡنٰکُمۡ شُعُوۡبًا وَّ قَبَآئِلَ لِتَعَارَفُوۡا ؕ اِنَّ اَکۡرَمَکُمۡ عِنۡدَ اللّٰہِ اَتۡقٰکُمۡ ؕ اِنَّ اللّٰہَ عَلِیۡمٌ خَبِیۡرٌ ﴿۱۳﴾
اے لوگو! ہم نے تم سب کو ایک ( ہی ) مرد و عورت سے پیدا کیا ہے اور اس لئے کہ تم آپس میں ایک دوسرے کو پہچانو کنبے قبیلے بنا دیئے ہیں ، اللہ کے نزدیک تم سب میں سے با عزت وہ ہے جو سب سے زیادہ ڈرنے والا ہے یقین مانو کہ اللہ دانا اور باخبر ہے ۔
سورہ حجرات آیت نمبر 13
⬅️اِنَّ اَوۡلَی النَّاسِ بِاِبۡرٰہِیۡمَ لَلَّذِیۡنَ اتَّبَعُوۡہُ وَ ہٰذَا النَّبِیُّ وَ الَّذِیۡنَ اٰمَنُوۡا ؕ وَ اللّٰہُ وَلِیُّ الۡمُؤۡمِنِیۡنَ ﴿۶۸﴾
سب لوگوں سے زیادہ ابرہیم سے نزدیک تروہ لوگ ہیں جنہوں نے ان کا کہا مانا اور یہ نبی اور جو لوگ ایمان لائے ، مومنوں کا ولی اور سہارا اللہ ہی ہے ۔
سورہ آل عمران آیت نمبر 68.
ثابت یہ ہوا کہ معیار رشتے داری نہیں معیار تقوی ہے جو صحابہ کرام اور اہل بیت رسول دونوں میں پوری امت سے زیادہ موجود تھا
اب دیکھنا یہ ہے کہ ان سب میں تقوی میں سب سے زیادہ کون تھا اس حوالے سے مندرجہ ذیل آیات مبارکہ ملاحظہ فرمائیں ۔
وَ سَیُجَنَّبُہَا الۡاَتۡقَی ﴿ۙ۱۷﴾
اور اس سے ایسا شخص دور رکھا جائے گا جو بڑا پرہیزگار ہوگا۔
الَّذِیۡ یُؤۡتِیۡ مَالَہٗ یَتَزَکّٰی ﴿ۚ۱۸﴾
جو پاکی حاصل کرنے کے لئے اپنا مال دیتا ہے ۔
وَ مَا لِاَحَدٍ عِنۡدَہٗ مِنۡ نِّعۡمَۃٍ تُجۡزٰۤی ﴿ۙ۱۹﴾
کسی کا اس پر کوئی احسان نہیں کہ جس کا بدلہ دیا جا رہا ہو ۔
اِلَّا ابۡتِغَآءَ وَجۡہِ رَبِّہِ الۡاَعۡلٰی ﴿ۚ۲۰﴾
بلکہ صرف اپنے پروردگار بزرگ و بلند کی رضا چاہنے کے لیے ۔
سورہ لیل آیات 17,18٫18٫20
یہ آیات جن میں تقویٰ کی انتہا کا زکر ہے یہ جناب ابوبکر صدیق علیہ السلام کی شان میں نازل ہوئی ہیں جس بارے میں روایات کرنے والے مندرجہ ذیل صحابہ کرام و تابعین ہیں
1.جناب عبداللہ بن عباس علیہ السلام ۔
2.جناب عبداللہ بن مسعود علیہ السلام ۔
3.جناب عبداللہ بن زبیر علیہ السلام ۔
4.جناب عروہ بن زبیر رحمۃ اللہ علیہ ۔
5.جناب قتادہ رحمۃ اللہ ۔
6.جناب عامر بن عبداللہ رحمۃ اللہ ۔
تفسیر ابنِ جریر طبری جلد 30 ۔صفحہ 74
تفسیر ابن کثیر جلد پنجم ۔
مستدرک حاکم جلد چہارم صفحہ نمبر 572