حضرت علی رضی اللہ عنہ کی بیویوں اور اولاد کی تعداد و اسماء (ایک تحقیقی تحریر)
مفتی خبیب القادری مدنا پوریحضرت علی کی بیویوں اور اولاد کی تعداد و اسماء
بسم اللہ الرحمٰن الرحیم
نحمدہ و نصلی علی رسولہ الکریم
سیدنا علی رضی اللہ عنہ نے مختلف اوقات میں نو شادیاں کیں اور ان کے علاوہ آپؓ کی کئی باندیاں بھی تھیں۔
آپؓ کا پہلا نکاح جگر گوشہ رسول طیبہ، طاہرہ، سیدہ فاطمہ زہراء رضی اللہ عنہا سے ہوا، اور ان سے تین صاحبزادے سیدنا حسن، سیدنا حسین اور سیدنا محسن رضی اللہ عنہم پیدا ہوئے۔
حضرت محسن رضی اللہ عنہ کا بچپن میں ہی وصال ہو گیا۔ سیدہ فاطمہ رضی اللہ عنہا سے حضرت علی رضی اللہ عنہ کی دو صاحبزادیاں سیدہ زینب کبریٰ اور سیدہ اُم کلثوم کبریٰ رضی اللہ عنہما پیدا ہوئیں۔ جب تک حضرت فاطمہ رضی اللہ عنہا بقید حیات رہیں آپ رضی اللہ عنہ نے کسی اور سے نکاح نہ کیا۔
حضرت فاطمہ رضی اللہ عنہا کے انتقال کے بعد مختلف اوقات میں آپؓ کے درج ذیل نکاح ہوئے۔
سیدہ اُم البنین بنتِ حرام عامریہ رضی اللہ عنہا:
ان سے چار فرزند حضرت عباس، حضرت جعفر، حضرت عبداللہ اور حضرت عثمان رضی اللہ عنہم پیدا ہوئے
سیدہ لیلیٰ بنتِ مسعود تیمیہ رضی اللہ عنہا:
ان سے دو بیٹے سیدنا عبیداللہ اور سیدنا ابوبکر رضی اللہ عنہما پیدا ہوئے۔
سیدہ اسما بنتِ عمیس خثیمہ رضی اللہ عنہا:
ان سے سیدنا یحییٰ اور سیدنا محمد اصغر رضی اللہ عنہما پیدا ہوئے۔
سیدہ اُم حبیبہ بنتِ زمعہ رضی اللہ عنہا:
ان سے حضرت عمر اور سیدہ رقیہ رضی اللہ عنہما پیدا ہوئے
سیدہ امامہ بنتِ ابوالعاص رضی اللہ عنہا:
ان سے سیدنا محمد اوسط رضی اللہ عنہ پیدا ہوئے
سیدہ خولہ بنتِ جعفر حنفیہ رضی اللہ عنہا:
ان سے محمد اکبر رضی اللہ عنہ پیدا ہوئے، جو محمد حنفیہ کے نام سے معروف ہیں
سیدہ اُم سعید بنتِ عروہ رضی اللہ عنہا:
ان سے اُم الحسین اور رملہ کبریٰ رضی اللہ عنہما پیدا ہوئیں۔
محیاۃ بنتِ امراءالقیس:
ان کے بطن سے ایک بیٹی پیدا ہوئی جو بچپن ہی میں فوت ہو گئیں۔
متعدد باندیوں سے پیدا ہونے والی آپؓ کی اولاد کے نام درج ذیل ہیں۔
سیدہ ام ہانیؓ
سیدہ میمونہؓ
سیدہ زینب صغریٰ
سیدہ رملہ صغریٰ
سیدہ اُم کلثوم صغریٰ
سیدہ فاطمہ
سیدہ امامہ
سیدہ خدیجہ
سیدہ اُم الکبریٰ
سیدہ اُم سلمہ
سیدہ اُم جعفر
سیدہ اُم جمانہ
رضی اللہ عنہن اجمعین
حوالہ جات:
- الکامل فی التاريخ: جلد، 2 صفحہ، 262
- البدايه و النہايه: جلد، 7 صفحہ، 332
- ابنِ قتيبہ المعارف: جلد، 1 صفحہ، 210