حضرت عبداللّٰہ بن ابوبکر صدیقؓ

آپ صدیق اکبرؓ کے صاحب زادے ہیں، شروع میں ہی اسلام قبول کیا، حنین، طائف میں شریک ہوئے، وفات 11ھ میں ہو گئی، والد ماجد نے نماز جنازہ پڑھائی، عموماً مؤرخین نے ان کو کاتبین نبی اکرمﷺ میں نہیں شمار فرمایا ہے، لیکن حقیقت یہ ہے کہ انہوں نے بلا شبہ دربار رسالت مآبﷺ میں لکھنے کا شرف حاصل کیا ہے، ڈاکٹر محمد حمید اللّٰہ نے الوثائق السیاسیة میں وثیقہ نمبر 94 میں بہ حیثیت کاتب عبداللّٰہ بن ابو بکرؓ صدیقؓ کا اسم گرامی نقل فرمایا ہے۔ (دیکھیے ڈاکٹر محمد مصطفی اعظمی کی تحریر، ”نقوش“ جلد7 صفحہ167،168)

---