حضرت عبداللّٰہ بن زید بن عبد ربّہؓ

یہ وہی عبداللّٰہ ہیں ،جن کو خواب میں اذان کا طریقہ بتایا گیا تھا، اور نبی اکرمؓ نے حضرت بلالؓ کو اسی طرح اذان دینے کا حکم فرمایا۔ (الاصابہ جلد2 صفحہ315، الاستیعاب جلد2 صفحہ311، 312، اسد الغابہ جلد3 صفحہ166) آپ کاتبِ دربار رسالت مآبﷺ میں ہیں، اس کی صراحت واقدی، ابن سیدالناس ، ابن کثیر، عراقی، اور انصاری وغیرہ نے کی ہے۔ (حوالے کے لیے دیکھیے: البدایہ والنہایہ جلد5 صفحہ350، عیون الاثر جلد2 صفحہ315، العجالةالسنیہ صفحہ247المصباح المضئی جلد1 صفحہ35بحوالہ نقوش جلد7 صفحہ172)

طبقاتِ بن سعد میں حضرت عبداللّٰہ بن زیدؓ کا لکھا ہوا ایک خط بھی محفوظ ہے، ڈاکٹر محمد حمیداللّٰہ حیدرآبادی نے الوثائق السیاسیہ میں اس کو نقل فرمایا ہے۔ اس کے اخیر میں ہے کہ” یہ تحریر عبداللّٰہ بن زید نے لکھی ہے“۔ (دیکھیے: طبقات بن سعد جلد1 صفحہ: 21 الوثائق السیاسیہ وثیقہ نمبر41 بحوالہ ”نقوش“ جلد7 صفحہ172)