سیدنا حسین رضی اللہ عنہ کا خلیفہ کو مشورہ

 سیدنا حسینؓ کے پوتے سیدنا محمد باقر رحمۃ اللہ نے خلیفہ عبدالملک کو سکّے پر دو حصوں والا کلمہ کے لکھوانے کا مشور دیا۔ 

خلیفہ عبد الملک نے سیدنا محمد باقر رحمۃ اللہ کو دعوت دے کر ملک شام بلوایا اور سکہ جاری کرنے کے متعلق مشورہ طلب کیا تو سیدنا محمد باقر رحمۃ اللہ نے مشورہ دیا کہ سکے کے ایک طرف تاریخ اور اس کے بننے کی جگہ درج کی جائے اور دوسری طرف لآ اِلٰهَ اِلَّا ﷲُ مُحَمَّدٌ رَّسُوْلُ ﷲ درج کیا جائے۔

(آمین سعادت: جلد 2 صفحہ 17 مطبوعہ، ایران از خمینی) 

اس سے ظاہر ہوتا ہے کہ سیدنا محمد باقرؒ نے یہ مشورہ اسی لیے دیا تا کہ یہ کلمہ ہر جگہ رائج ہو جائے اور چھوٹے بڑے ہر ایک شخص کے پاس تحریری طور پر موجود ہو اور ہر ایک اس کو اچھی طرح یاد کر لے۔ یوں سیدنا محمد باقر رحمۃ اللہ نے اس کلمہ کی تبلیغ و ترویج کے پیشِ نظر یہ وسیع پروگرام پیش فرمایا، سبحان اللہ

دیکھیے! شیعہ لوگ بنی امیہ پر لعنتوں کی بھر مار کرتے ہیں، جب کہ شیعہ کتب سے تو معلوم ہوتا ہے کہ قبیلہ بنو امیہ کے حاکم عبد الملک بن مروان نے تو اپنا سکہ ہی سیدنا جعفر صادق رحمۃ اللہ کے والد جناب سیدنا محمد باقر رحمۃ اللہ کے مشورہ سے جاری کیا۔