مجبوراً شیعہ کا جنازہ پڑھنے کا حکم

سوال: کیا فرماتے ہیں علمائے دین و مفتیانِ شرع متین مسئلہ ذیل کے بارے میں کہ ایک شیعہ کا جنازہ جس سے میں نے دوسرے ساتھیوں کو بھی منع کیا لیکن عین موقع پر میرے سینیئر میرے پاس کھڑے تھے جن کے سامنے مجھے مجبوراً جنازہ پڑھا پڑا۔ اب دریافت طلب امر یہ ہے کہ میرے لئے تجدید ایمان و نکاح ضروری ہے یا نہیں؟ 

جواب: بشرطِ صحت سوال چونکہ آپ نے اس کا جنازہ ناجائز سمجھتے ہوئے پڑھا ہے، اس وجہ سے آپ کافر نہیں ہوئے، لہٰذا آپ پر تجدید ایمان و نکاح لازمی نہیں ہے، البتہ اس عمل کی وجہ سے آپ گنہگار ہوئے ہیں، لہٰذا توبہ ضروری ہے۔

فنقول لا يصلى على الكافر .... لان الصلوة على الميت دعاء واستغفار له والاستغفار للكافر حرام:

(المحيط البرهاني:جلد:3:صفحہ:82)

ومنها استحلال العصية صغيرة كانت او كبيرة كفر 

(شرح فقه الاكبر:صفحہ:152)

وشرطها ستة اسلام الميت وطهارته وفى الشامي قوله و شرطها ای شرط صحتها 

(الدرمع الشامی:جلد:1:صفحہ:640)

(ارشاد المفتين:جلد:1:صفحہ:567)

---