سیدنا عبداللہ بن عمر رضی اللہ عنہما کا منصب قضا قبول کرنے سے معذرت
علی محمد الصلابیسیدنا عثمان بن عفان رضی اللہ عنہ نے حضرت عبداللہ بن عمر رضی اللہ عنہما سے کہا: آپؓ منصبِ قضا کو قبول کر لیں اور لوگوں کے مابین فیصلہ کریں۔ سیدنا عبداللہ بن عمر رضی اللہ عنہما نے عرض کیا: میں نہ دو آدمیوں کے درمیان فیصلہ کروں گا اور نہ دو آدمیوں کی امامت کروں گا۔ کیا آپؓ نے نبی کریمﷺ کو فرماتے ہوئے نہیں سنا ہے:
من عاذ باللّٰه فقد عاذ بمعاذ
ترجمہ: جس نے اللہ کی پناہ پکڑی اس نے بہت بڑے کی پناہ پکڑ لی۔
حضرت عثمان بن عفان رضی اللہ عنہ نے فرمایا: ضرور سنی ہے۔ سیدنا عبداللہ بن عمر رضی اللہ عنہما نے فرمایا: میں اس بات سے اللہ کی پناہ طلب کرتا ہوں کہ آپؓ مجھے قاضی مقرر کریں۔ یہ سن کر سیدنا عثمان بن عفانؓ نے انہیں معاف کر دیا اور فرمایا: اس کی خبر کسی کو نہ ہونے پائے۔
(مسند احمد: صفحہ، 475 حسن لغیرہ)