جواب :

یہ صحیح ہے کہ کسی پروگرام کے ابتدائی کارکن اس کے درست رفتار یا غلط رفتار ہونے کی کافی شہادت ہوتے ہیں، مخالفینِ اسلام نے آنحضرتﷺ کی تعلیمات کو ناکام کرنے کے لیے صحابہ کرام رضوان اللہ علیہم اجمعین کے خلاف اور ان بزرگوں کے صراط مستقیم سے پھر جانے کا پراپیگنڈہ بھی محض اسی لیے کیا تھا کہ اس طرح بالواسطہ حضور کی رسالت کو غلط اور ناکام ثابت کیا جائے جائے کسی تحریک کے ابتدائی کارکن جب سب کے سب اسے چھوڑ رہے ہوں تو یہ داخلی امور کی ایک منہ بولتی شہادت ہے کہ دال میں ضرور کالا ہے۔ ہر قل شاہِ روم کی شاهانہ بصیرت اور غیرمعمولی مردم شناسی اِسی نفسیاتی اُصول کی ترجمان تھی، جبکہ آنحضرتﷺ کے بارے میں اس نے ابو سفیان سے ایسے سوالات کئے تھے۔ تلہ گنگ کے بعض لوگوں کا تاریخی واقعہ سے انکار اگر فرقہ وارانہ اور تعصب نہیں تو ناواقفیت اور جہالت ضرور ہے۔ امام بخاریؒ نے جلد 1 صفحہ 4 اس سوال و جواب کو اس طرح روایت کیا:

قال ایزیدون ام ينقصون قلت بل يزيدون قال فهل يرتد احد منهم سخطة لدینه بعد ان يدخل فيه قلت لا. 

ترجمہ: ہرقل نے پوچھا کہ کیا اس مدعئ نبوت کے ساتھی بڑھ رہے ہیں ہیں یا گھٹ بھی رہے ہیں۔ تو میں نے کہا وہ تو بڑھ رہے ہیں۔ پھر پر اس نے کہا کہ کوئی شخص آپ کے پروگرام میں داخل ہونے کے بعد اس تحریک سے ناراض ہو کر علیٰحدہ بھی ہوا ہے. میں نے کہا نہیں؟ پھر ہر قل نے اسے تحریکِ اسلام کی صداقت کا ایک نفسانی معیار قرار دیتے ہوئے کہا ۔” وكذلك الايمان حين تخالط بشاشة القلوب“ (بخاری)

ترجمہ ایمان کی بات اس طرح ہے جب اس کی بشاشت دلوں میں آملے۔

 والله اعلم بالصواب و علمه اتم واحکم فی کل باب.

 کتبه خالد محمود عفی عنه