جواب:

 شیخ مفید ارشاد میں اور علامہ طبرسی اعلام الورےٰ میں لکھتے ہیں کہ سیدنا حسینؓ کی دو بیٹیاں تھیں:

1: فاطمہ خاتون 

2: سکینہ خاتون 

ان دونوں کے متعلق نکاحوں کی تحقیق حسبِ ذیل ہے:

1: فاطمہ خاتون ان کی والدہ ام اسحاق بنت طلحہ تھیں. ان کا نکاح سیدنا حسینؓ نے اپنے بھتیجے حسن مثنیٰؒ سے کیا. ان سے ان کے ہاں تین بیٹے پیدا ہوئے. ان کے بعد اس فاطمہ بنت حسینؓ کا نکاح سیدنا عثمانؓ کے پوتے عبداللہ بن عمرو سے ہوا۔

2: سکینہ خاتون ان کی والدہ رباب بنت امرؤ القیس تھیں. علامہ طبرسی اعلام الوراےٰ میں لکھتے ہیں کہ ان کا سیدنا حسینؓ نے عبداللہ الحسن سے کیا تھا مگر رخصتی سے پہلے ہی عبداللہ الحسن انتقال کر گئے. ان کے بعد ان کا نکاح سیدنا معصب بن زبیرؓ سے ہوا. ان کے بعد اسی سکینہ بنت الحسینؓ کا نکاح سیدنا عثمانؓ کے چھوٹے بیٹے سے ان کے پوتے سیدنا زید بن عمرو سے ہوا۔

اس طرح سے حسینؓ کی دونوں بیٹیاں سیدنا عثمانؓ کہ خاندان میں بیاہی گئیں. ان نکاحوں کی تصریح شیعہ کی معتبر کتابوں تذکرہ سبط ابن جوزی اور منتخب التاریخ صفحہ 241 مطبوعہ طہران وغیرہ میں موجود ہے. مشہور شیعہ مورخ اور جج سید امیر علی نے اپنی کتاب تاریخ صحرا نشیناں کے صفحہ 202 کے حاشیہ پر اس سکینہ بنت الحسینؓ کے سیدنا عثمانؓ کے پوتے کے نکاح میں آنے کو صریح لفظوں میں تسلیم کیا ہے۔

واللہ اعلم بالصواب