جواب

صحابی وہ ہوتا ہے کہ جس نے ایمان کی حالت میں نبی کریمﷺ کی زیارت کی ہو اور ایمان کی حالت میں ہی اس دنیا سے گیا ہو۔

قرآن کریم میں صحابہ کرام رضوان اللہ علیہم اجمعین کے لیے رضی اللہ عنہم ورضو عنہ کی سند موجود ہے لہٰذا ان کے بارے میں جہنم میں جانے کا نظریہ قرآن کے مطابق درست نہیں۔

باقی حضرت عمار رضی اللہ عنہ کو کس نے شہید کیا اللہ کے نبیﷺ نے اس کی صاف صاف خبر پہلے ہی ارشاد فرما دی تھی کہ حضرت عمارؓ کو شہید کرنے والا باغی گروہ ہوگا۔

اور جس وقت حضرت عمار رضی اللہ عنہ شہید ہوئے تو اس وقت باغی ٹولہ ان کے قریب ہی موجود تھا چنانچہ نبی کریمﷺ کا فرمان موجود ہے کہ اے عثمان باغی ٹولہ تجھ سے خلافت کی چادر چھیننا چاہے گا تم خلافت کی چادر ان کے حوالے نہ کرنا بس نبی کریمﷺ نے جیسے یہ خبر دے دی تھی کہ اے عمار! آپ کو باغی ٹولہ شہید کرے گا اسی طرح یہ خبر بھی ارشاد فرما دی تھی کہ وہ باغی ٹولہ ہے کون؟ چنانچہ حضرت عثمان رضی اللہ عنہ کو شہید کرنے والا جو گروہ تھا حضورﷺ نے ان کو باغی کہا اور حضرت عثمان رضی اللہ عنہ کو شہید کرنے والے بلوائی باغی اس وقت اسی میدان میں اور کسی نہ کسی صف اور صف کے کونے میں موجود تھے وہ کہاں تھے؟

 یہ اتنی معروف بات ہے جس کی وضاحت کی ضرورت نہیں۔